Япониянинг энг зўр тўпурари вафот этди

Япония терма жамоаси сафида 1968 йилги Олимпия ўйинларининг бронза медали совриндори бўлган Кунисигэ Камамото 82 ёшида ҳаётдан кўз юмди.

Бу ҳақда Япония футбол ассоциацияси расман хабар маълум қилди.

Манбага кўра, собиқ футболчи пневмония туфайли вафот этган.

Камамото Япония миллий терма жамоаси тарихидаги энг зўр тўпурар ҳисобланади. У халқаро миқёсда 76 та учрашувда иштирок этиб, рақиблар дарвозасини 75 маротаба ишғол қилган.

1968 йилги Олимпия ўйинларида эса, еттита гол билан мусобақа тўпурари бўлган.  

 Камамото футболчилик фаолиятини якунлаганидан кейин 1998-2008 йиллар давомида Япония футбол ассоциацияси вице-президенти лавозимида ишлади. 2002 йили Япония ва Жанубий Корея ҳамкорликда ўтказган жаҳон чемпионати ташкилик қўмитасида ҳам фаолият кўрсатди.