Яқинда "Андижон"га қўшилган Суҳроб Бердиев "Сурхон"нинг таклифи сабаб клубдан кетди

“Андижон” клуби ҳар йили қишда Фарғонадаги анъанавий тарзда ўтказиб келинаётган “Ҳоким Кубоги” мусобақасида иштирок этяпти.

Клуб мазкур турнирда қатнашиш билан бирга таркибни кучайтириш ишларига ҳам эътибор қаратган. Аммо доим ўйлаганлари амалга ошавермайди.

Яқинда “Андижон” сафига “Қўқон-1912” билан хайрлашган Суҳроб Бердиев қўшилганди. Лекин у жамоа сафини тарк этди. Бу ҳақида “Андижон” матбуот хизмати маълум қилди.

Бердиевнинг кетишига сабаб унга “Сурхон”дан яхши таклиф бўлгани билан изоҳланмоқда. Афтидан, футболчи фаолиятини про лигада эмас, балки яна Суперлигада давом эттирмоқчи, шекилли.