"Универсал" спорт мажмуасида бокс бўйича катталар ўртасида Ўзбекистон чемпионати беллашувлари бўлиб ўтмоқда.

-57 кг вазн тоифасида Самарқанд вилояти вакили, Олимпиада иштирокчиси Ё.Мирзаева кеча навбатдаги жангини қашқадарёлик Ситора Шагдаровага қарши ўтказиб, ғалаба қозонди. Жангдан сўнг, Мирзаева Ўзбекистон бокс федерацияси матбуот хизматига ўз фикрларини билдириб ўтди.

"Чемпионатга 3 босқичда тайёргарлик кўрдик. Карантин бўлишига қарамасдан, ўқув-машғулот йиғинини ўтказишимиз учун барча шароитларни яратиб беришди. Ўзбекистон чемпионатидан сўнг, Токио Олимпиадаси лицензион турнирига тайёргарлик кўраман ва йўлланмани қўлга киритишга ҳаракат қиламан. Чемпион бўламан, деб ишонч билан айта оламан. Ҳозирча вазнимда кимнидир менга муаммо туғдирадиган боксчи, деб кўрсата олмайман. Фақатгина финалда менга қарши жанг олиб борадиган рақибимни айтишим мумкин. Аммо олдиндан финалда ким билан тўқнаш келишимни билмайман", - деди Мирзаева.