Ёнимда Мбаппе бўлса, уч баравар кўп гол урамиз!
“Реал” ҳужумчиси Карим Бензема ПСЖ ҳужумчиси Килиан Мбаппе билан битта клубда ёнма-ён тўп тепишни орзу қилмоқда. Бу икки тўпурар Франция терма жамоасида бирга ўйнайди. Карим Килианнинг Мадридга келиши ҳақидаги хабарларга муносабат билдирди.
- Менга Килиан билан терма жамоада ўйнаш жуда ёқади. Лекин клубда ҳам бирга ўйнашни истайман. Агар у ёнимда бўлса, ҳозиргидан икки, балки уч баравар кўп гол урган бўлардик, - деди Карим Бензема.
Мбаппе жорий мавсумда барча турнирларда 38 та учрашувда 28 та тўп киритди ва 20 та ассистни амалга оширди. Карим эса 35 та баҳсда ўз ҳисобига 34 та гол ва 13 та ассис ёздириб қўйди.
Фикрлар