Ёзги биатлон бўйича Ўзбекистон кубоги Наманганда қолди

Ўзбекистон мудофаасига кўмаклашувчи "Ватанпарвар" ташкилоти Наманган вилояти кенгаши негизида "Наврўз" умумхалк байрамига бағишлаб ўтказилган "Ёзги биатлон" бўйича Ўзбекистон Кубоги мусобақаси якунланди. Ушбу мусобақада Тошкент шахри ва вилоятлардан жами 108 нафар спортчилар иштирок этдилар. Мусобақанинг якуний натижаларига кўра 1-ўринни Наманган вилояти жамоаси, 2-ўринни Самарқанд вилоят жамоаси ва 3-ўринни Тошкент вилояти жамоаси эгалладилар. Ғолибларга "Ватанпарвар" ташкилотининг эсдалик совғалари ва фахрий ёрлиқлари топширилди.

Ушбу тадбирда Республика техник ва амалий спорт турлари маркази бош мураббийи С. В. Серебряков, Наманган вилояти хокими ўринбосари П. Маткаримов, Ўзбекистон мудофаасига кўмаклашувчи "Ватанпарвар" ташкилоти Наманган вилоят кенгаши раиси А.Алаходжаев, ва ОАВ ходимлари иштирок этдилар.