Юрген Клоппни ҳақорат қилган ҳакам ишдан бўшатилди

Англиялик арбитр Дэвид Кутни ҳакамликдан четлатишди, у энди Премьер-лига ўйинларида ишламайди. Буларнинг барчаси бир йил аввал, ноябрда, ижтимоий тармоқларда Кут "Ливерпуль" собиқ мураббийи Юрген Клоппни ҳақорат қилган видеоси тарқалганидан бошланган эди.

Бундан ташқари Дэвид 2019 йилда "Лидс" ва "Вест Бромвич" ўртасидаги ўйинда ноҳақ сариқ карточкалар кўрсатгани ва бу ишни қимор орқали пул топиш учун қилгани маълум бўлди. Яна унинг тармоқларда наркотик модда қабул қилган видеоси тарқалиб кетган.

Натижада тергов ўтказилди, ва ҳозирда Кут ишини йўқотди. Бироқ, у апелляция ҳуқуқига эга, деб хабар бермоқда derbyderbyderby.it.