“Юве” ва “Барса” ўз юлдузларини алмаштиради

“Ювентус” ва “Барселона” ўтган йилдаги сингари яна ўзаро футболчи алмаштирмоқчи.  Маълумотларга қараганда, бу галги рокировка анча шов-шувли бўлади.

Италиянинг Corriere dello Sport нашри хабар беришича, туринликлар аргентиналик ҳужумчи Пауло Дибалани Каталонияга жўнатиб, ўз таркибига “Барселона” ҳужумчиси Антуан Гризманни қўшиб олмоқчи.

Ҳозир ҳар икки юлдуз ҳам ўзидан кутилган ўйин ва юқори самарадорликни кўрсата олмаяпти. Дибала жорий мавсумда А Серияда  11 та учрашувда майдонга тушиб, иккита гол урган бўлса, Гризманн Ла Лиганинг  24 ўйинида олтита гол урди холос.

Дибала ва Гризманнинг трансфер суммаси ҳам бир хил – 80 миллион евро атрофида баҳоланмоқда.