“Юве” воз кечаётган Роналду: Мен ҳали синганим йўқ!

“Ювентус”нинг Европа Чемпионлар лигасини тарк этгани ортидан Криштиану Роналдунинг клубдан кетиши қизғин муҳокама қилинаётган бир пайтда португалиялик юлдуз ҳали ўзининг кўп нарсаларга қодирлигини таъкидлаб, ижтимоий тармоқлардаги саҳифасига янги пост қўйди.

- Ҳаётдаги йиқилишлар, тезда оёққа тура олиш қобилияти олдида ҳеч нарса эмас. Ҳақиқий чемпионлар ҳеч қачон синиб қолмайди!

Жамоамизнинг эътибори А Серия ўйинлари ва Италия кубоги финалига қаратилган ва биз мавсумда совринларни қўлга киритишимиз мумкин.

Ўтмиш музейларники, деган гап ҳақиқатан рост. Лекин футболда хотира, деган тушунча ҳам бор. Менинг ҳам ўз хотираларим бор ва тарихни ўчириб бўлмайди. Чунки тарих ҳар куни машаққатли  меҳнатлар, жамоавий руҳ ва бардавом ҳаракатлар эвазига ёзилади. Буни англамаганлар ҳеч қачон муваффақиятга эриша олмайди, - деб ёзади Роналду.