"Ювентус" Алиссонни ўз сафига қўшиб олишни кўзламоқда

"Ливерпуль" дарвозабони Алиссон Беккер "Ювентус"нинг қизиқиш доирасига кирди. Турин гранди бу ёзда бразилияликни ўз сафига қўшиб ололмади, аммо келаси йили трансферни амалга оширишга умид қилмоқда.

"SportMediaset" хабарига кўра, "кекса синьора" дарвозабонни 2026/27 йилги мавсумдан сўнг, "қизиллар" билан амалдаги шартномаси тугагач, эркин агент сифатида сотиб олишга ҳаракат қилади. Бош мураббий Лучано Спаллетти бу келишувга шахсан қизиқмоқда.

ПСЖ "Парма"дан сотиб олганидан сўнг дарҳол ижарага беришга тайёр бўлган Жион Сузуки келгуси мавсум учун "Ювентус"нинг биринчи танловига айланиши мумкин.

Эслатиб ўтамиз, Алиссон 2018 йилдан бери "Ливерпуль" шарафини ҳимоя қилиб келади.