"Ювентус" Артурни узоқ муддатга йўқотди

Туриннинг "Ювентус" клуби ярим ҳимоячиси Артур узоқ муддатга сафдан чиқди. Бу ҳақда Corriere della Sera Torino нашри хабар тарқатмоқда.

Юқоридаги манбага кўра, 24 ёшли бразилиялик футболчи тиззасидан жароҳат олган. Шифокорлар уни операция қилиш кераклигини айтишган.

Агар Артур жарроҳлик столига ётса, унинг тикланиши учун камида 2 ой талаб этилади.

Ўтган мавсум Артур "Ювентус" сафида жами 32 та ўйинда иштирок этди ва 1 та гол урди. Унинг клуб билан амалдаги шартномаси 2025 йилга қадар имзоланган.