“Ювентус” бу футболчи учун супер ҳужумчидан воз кечишга тайёр

“Ювентус” раҳбарияти жамоани қайтадан шакллантирмоқда. Туринликлар янги таркибда Поль Погбани кўрмоқчи. Албатта, ҳозирги молиявий имкониятлар билан Погба даражасидаги қимматбаҳо юлдузни харид қилиб бўлмайди.

Шунинг учун туринликлар ўз ҳужумчиси Пауло Дибалага “Манчестер Юнайтед” жиддий қизиқаётганини инобатга олиб, уни Поль Погбага алмаштиришни таклиф қилмоқда.

Айни пайтда ҳар икки футболчи ўз клуби билан янги шартнома борасида музокара олиб бормоқда. Погба фикрини ўзгартириб, Манчестерда қолишни истаётган бўлса, Дибала “Ювентус” хўжайинларини йилига 15 миллион евро маош беришга кўндира олмаяпти.