"Yuventus" MYu nishonidagi futbolchini ilib ketmoqchi

"Yuventus" ushbu transfer oynasida "Bolonya" hujumchisi Marko Arnautovichni o‘z safiga qo‘shib olmoqchi. Bu haqda jurnalist Nikolo Skira yozmoqda. 

Manbaning xabariga ko‘ra, turinliklar jamoani tark etishi kutilayotgan Moyze Kin o‘rnini avstriyalik forvard bilan to‘ldirmoqchi. Kin sobiq klubi "Everton"ga qaytishi kutilmoqda. 

Avvalroq, "Manchester Yunayted" Markoga qiziqish bildirayotgani haqida xabarlar tarqalgandi. Arnautovichning "Bolonya" bilan amaldagi bitimi 2024 yilning yoziga qadar mo‘ljallangan.