"Наполи" ҳужумчиси Аркадиуш Милик фаолиятини "Ювентус"да давом эттириши мумкин.

Журналист Никола Скиранинг маълум қилишича, польшалик футболчининг ўзи ҳам Турин клубига кўчиб ўтишни истамоқда. "Юве" унга 2025 йилга қадар амал қилувчи битим таклиф қилди ва йилига 5 млн евро маош тўлаб беришга тайёр.

Бундан ташқари, Милик ўз агентини алмаштиришни режалаштирмоқда. Катта эҳтимол билан Фади Рамадани 24 ёшли футболчининг янги агентига айланади.

Милик ва "Наполи" ўртасидаги шартнома кейинги йилнинг июнь ойида ўз ниҳоясига етади.

Форвард А Сериянинг жорий мавсумида 23 та баҳс ўтказиб, 10 та голга муаллифлик қилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)