"Ювентус" "Реал" юлдузи учун курашга қўшилди

Туринннинг "Ювентус" клуби "Реал" ярим ҳимоячиси Иско учун курашга қўшилди. Бу ҳақда "Calciomercato" нашри хабар тарқатди. 

Манбанинг маълум қилишича, "Юве" испаниялик футболчига узоқ йиллик шартнома тайёрламоқда. Иско хизматига "Милан" ва АПЛнинг бир нечта топ клублари ҳам қизиқиш билдирмоқда. 

Мадридликлар футболчига янги шартнома таклиф қилмаяпти. Қолаверса, жамоанинг янги мураббийи Карло Анчелотти ҳам Искони қўйиб юборишга қарши эмас. 

2020/21 йилги мавсумда хавбек 25та ўйинда майдонга тушиб, 2та голга ассистентлик қилган. Унинг "қироллик клуби" билан амалдаги битими 2022 йилнинг ёзига қадар мўлжалланган.

Фикрлар

Фикр қолдириш учун авторизациядан ўтинг!