“Ювентус” Роналду ўрнига ундан зўрини олади

“Ювентус” раҳбарияти ёзда Криштиану Роналдуни сотиб, унинг ўрнига Эрлинг Холандни олишни режалаштирмоқда. Ёш бўлишига қарамай, гол уриш бўйича қатор рекордларни янгилаб келаётган норвегиялик ҳужумчига деярли барча гранд клублар харидор бўлмоқда.

“Боруссия” ҳам футболчининг нархи баландлигида уни трансфер қилиб, мўмай даромад олишга қарши эмас.

Маълумотларга қараганда, португалиялик юлдуз ўз агенти Жорже Мендешга янги жамоа топиш бўйича топшириқ берган. Роналдуни олиши мумкин бўлганлар орасида “Манчестер Юнайтед”, “Пари Сен-Жермен” ва “Реал” тилга олинмоқда.

Роналдунинг бошқа клубга ўтишига тўсқинлик қиладиган ягона масала унинг маошидир. Уни таклиф қиладиган клублар йилига 31 миллион евро маош олаётган футболчига 20 миллион евродан кўп таклиф қила олмайди.

Аввалроқ, “Ювентус” Роналдуни сотиб юборган тақдирда клуб 90 миллион евро атрофида фойда кўриши айтилган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)