"Ювентус" Роналдуни қанчага сотмоқчи?

Криштиану Роналду ёзги трансферлар даврида “Ювентус”ни тарк этиши мумкин.

Sport Mediaset тарқатган хабарга қараганда, туринликлар 2022 йилда шартномаси тугайдиган 36 ёшли португалиялик футболчини сотиш орқали маълум миқдорда пул ишлаб олишни режалаштирмоқда. “Кекса синьора” раҳбарияти Роналдунинг трансферини 60 млн еврога баҳоламоқда.

Айтиш керакки, Криштианунинг кетиши “Ювентус”нинг молиявий ҳолатига ҳам анча ижобий таъсир қилади. Боиси, Роналдунинг айни дамдаги йиллик маоши 54 млн еврони ташкил этади.

Роналду жорий мавсум А Серияда жами 22 та ўйинда майдонга тушди ва рақиблари дарвозасига 20 та гол уришга эришди.