"Ювентус" Роналдунинг трансфери борасида "Реал"га расмий таклиф билан чиқди

Туриннинг "Ювентус" клуби португалиялик ҳужумчи Криштиану Роналдунинг трансфери борасида "Реал"га илк таклифини юборди.

Хабарларга қараганда “кекса синьора” 33 ёшли футболчи учун “қироллик клуби”га 120 млн евро таклиф қилган. Қайд этиш лозимки, ушбу маблағнинг чорак қисми бонус сифатида берилади.

Эслатиб ўтамиз, бундан аввалроқ “Ювентус” Роналдуга йилига 30 млн евро маош ва 4 йиллик шартнома таклиф қилаётгани ҳақида хабарлар тарқалган эди.

Маълумот учун, Роналду ўтган мавсум “Реал” сафида жами 44та баҳсда майдонга тушган ва ўз ҳисобига 44та гол ҳамда 8та голли узатма ёздириб қўйишга эришган.