"Ювентус" сербиялик футболчисини ҳали қўйиб юбормоқчи эмас

"Ювентус" январда ҳужумчи Душан Влахович билан хайрлашмайди.

"Football Italia" нашрининг "Corriere dello Sport" нашрига таяниб хабар беришича, Турин клуби қишда "Манчестер Юнайтед", "Челси" ва "Арсенал" клублари қизиқиш билдираётганига қарамай, футболчини сотиш ҳақида ўйламаяпти. Агар сотган тақдирда ҳам Влаховични 90 миллион евродан камига сотмоқчи эмас.

Жароҳати туфайли сербиялик футболчи 25 октябрдан бери майдонга тушмади. Унинг январь ойидаги баҳсларда иштирок этмаслиги аниқ бўлиб улгурган.

Жорий мавсумда 22 ёшли форвард А Серияда 10 та ўйинда иштирок этиб, 6 та гол урди.