"Ювентус" шов-шувларга сабаб бўлган футболчини олиб келмоқчи

“Ювентус” Англия Премьер-лигасининг “Ньюкасл Юнайтед” клуби ярим ҳимоячиси Сандро Тоналини сотиб олиши мумкин.

Бир неча манбаларга кўра, А Серия клуби қишда Тонали билан таркибни кучайтириши мақсад қилиб қўйган. Сандро узоқ танаффусдан сўнг футболга қайтган бўлса-да, ўзи кутган даражада ўйини очилиб кетмади. Шу билан бирга клуб сафидаги ишлари ҳам ортга қараб кетаётган эди. Ушбу вазиятдан кейин италиялик ҳавбек қишки трансферлар ойнасида ўз жамоасини ўзгартирмоқчи. Шу сабабли, "Ювентус" клуби учун футболчи энг яхши вариант сифатида кўрилмоқда. 
 
Маълумот ўрнида, 24 ёшли ярим ҳимоячи бу мавсум 18 та ўйинда иштирок этиб, 2 та гол ва 2 та голли узатмага муаллифлик қилган. Унинг "қарғалар" билан шартномаси 2028 йилгача мўлжалланган бўлиб, Тransfermarkt порталидаги нархи 38 миллион евро деб баҳоланмоқда.