"Yuventus" sobiq yulduzini qaytarishga harakat qilib ko‘radi

"Yuventus" "Manchester Yunayted" yarim himoyachisi Pol Pogbani kelasi yozda Turinga qaytarmoqchi. 

"Tuttosport" nashrining xabariga ko‘ra, "keksa sinoralar" futbolchining atrofidagi voqealarni diqqat bilan kuzatyapti. Pol 2022 yilning yozida erkin agentga aylanadi. "Yuve" uni tekinga qo‘lga kiritishni rejalashtirmoqda. 

Avvalroq, Pogba xizmatiga "Real" qiziqayotganligi xaqida yozgan edik. Frantsuz 2016 yil Turinni Manchesterga almashtirgandi. O‘shanda "qizil iblislar" bu transfer uchun 105 million evro sarflagan. Joriy mavsum havbek 3ta o‘yinda maydonga tushib, 5ta golga assistentlik qildi.