"Ювентус" супертўпурар учун 8 та футболчиси билан хайрлашмоқчи

"Ювентус" Виктор Гьёкереш трансферини амалга ошириш учун саккиз нафар футболчисини сотишга тайёр.

Турин клуби 27 ёшли "Спортинг" ва Швеция терма жамоаси ҳужумчисини жамоага қўшишни жуда хоҳлаяпти ва ушбу ҳамда бошқа ёзги трансферларни молиялаштириш учун кимларни сотиши мумкинлигини аллақачон аниқлаб олган.

Cорриэре dello Sport хабарига кўра, Португалия клуби Виктор Гьёкерешни 70 миллион евро + 10 миллион бонус эвазига қўйиб юборишга тайёр. У сўнгги икки мавсумда 102 та ўйинда 97 та гол урган.

"Ювентус" ҳужумчи Душан Влаҳович ва ярим ҳимоячи Дуглас Луисни сотиш орқали камида 60 миллион евро даромад олишни режалаштирмоқда. Ҳимоячи Ллойд Келли трансферидан яна 15 миллион евро кутилмоқда. Вингер Самуэл Мбангуланинг нархи эса 15–20 миллион еврога баҳоланмоқда.

Қўшимча маблағлар ҳужумчи Аркадиуш Милик, дарвозабон Маттиа Перин, ҳимоячи Даниэле Ругани ва ярим ҳимоячи Филип Костич трансферларидан ҳам келиб тушиши мумкин.