"Ювентус" тажрибали футболчига эга чиқмоқчи

"Челси" ярим ҳимоячиси Нголо Канте фаолиятини "Ювентус"да давом эттириши мумкин. "Calciomercato" нашри хабарига кўра, Лондон клуби ўз ярим ҳимоячисини жорий мавсум охирида қўйиб юборишга тайёр. Қайд этилишича, “Ювентус” агар футболчи “Челси” билан шартномани узайтирмаса, уни ўз сафига қўшиб олишга тайёр.

Олдинроқ “кўклар” футболчининг ёши ва доимий жароҳатларини инобатга олиб, Канте билан шартномани узайтирмоқчи эмаслиги ҳақида хабар берилганди. Шу билан бирга, "Барселона" ҳам франциялик футболчига қизиқиш билдираётгани ҳақида миш-мишлар тарқалганди.

Маълумот ўрнида, 31 ёшли Канте жорий мавсумда Премер-лигада бор йўғи иккита ўйинда майдонга тушди.