"Ювентус" Уэстон Маккенни билан шартномани узайтиришга келишиб олди

"Ювентус" ва Уэстон Маккенни шартномани узайтириш борасида келишувга эришди.

Янги битим 2030 йилга қадар амал қилади. "La Gazzetta dello Sport" хабарига кўра, томонлар шартномани келаси ҳафта бошида — "Рома"га қарши ўйиндан сўнг имзолайди.

Қайд этилишича, америкалик ярим ҳимоячининг йиллик маоши тахминан 4 миллион еврони ташкил қилади. Шунингдек, унинг ойлиги ҳар мавсум сайин бироз ошириб борилади.

Маккенни 2020 йилдан буён "Ювентус" сафида тўп сурмоқда. Жорий мавсумда А Серия доирасида у 25 та учрашувда майдонга тушиб, 4 та гол ва 4 та голли узатмага муаллифлик қилди.