"Ювентус" ва Дибала ўзаро келиша олмаяпти

"Ювентус" сафида 3 йилдан буён асосий таркибдаги ўрнини бошқаларга бериб қўяётган Пауло Дибала жамоа билан янги шартнома имзолаши мумкин.

"Кекса сеньора" ва агрентиналик футболчининг агенти ўзаро музокараларни бошлаб юборган. Клуб футболчига 8 миллион евро ва 2 миллион бонус таклиф этмоқда.

"Tuttosport" нашри хабарига кўра, Дибала бонуслар билан қўшиб ҳисоблаганда, 12 миллион евро маош талаб қиляпти. "Юве" унга 3 йиллик шартнома таклиф этаётган бўлса, Пауло 5 йиллик битимга имзо чекмоқчи.

Ўтган мавсум аргентиналик футболчи 26 учрашувда майдонга тушиб, 5 та гол ва 3 ассист муаллифига айланган.