Туриннинг "Ювентус" клуби "Бавария" ярим ҳимоячиси Корентен Толиссонинг хизматларига жиддий қизиқиш билдира бошлади. Бу ҳақда Calciomercato нашри хабар тарқатмоқда.

Юқоридаги манбаага кўра “кекса синьор” 25 ёшли франциялик футболчини ёзги трансферлар даврида сотиб олишни режалаштирмоқда. Мюнхенликлар ҳам асосий таркибдаги ўрнини бой берган футболчини қўйиб юборишга тайёр.

Маълумот учун, Толиссо жорий мавсум “Бавария” сафида 19 та ўйинда майдонга тушди ва 3 та гол ҳамда 3 та голли узатмага муаллифлик қилишга эришди. Унинг клуб билан амалдаги шартномаси 2022 йилга қадар имзоланган.