"Ювентус" ёзда "Реал" етакчиларидан бирини ўз сафига қўшиб олмоқчи

Мадриднинг "Реал" клуби вингери Марко Асенсио фаолиятини катта эҳтимол билан фаолиятини Италияда давом эттириши мумкин.

Tuttosport нашри тарқатган хабарга кўра 23 ёшли испаниялик футболчини “Ювентус” ўз сафида кўрмоқчи. Туринликлар вакиллари аллақачон ушбу трансфер масаласида футболчининг агенти билан музокараларни бошлаб юборган.

Таъкидлаш керакки Асенсио етарли ўйин амалиётига эга бўла олмаётгани сабаб “қироллик клуби”дан кетишни режалаштирмоқда.

Эслатиб ўтамиз, бундан аввалроқ Асенсио учун курашда “Ливерпуль” клуби фаворит эканлиги борасида ҳам хабарлар тарқалган эди.