Замиражон Санақуловага уч хонали уй калити топширилди

Мамлкатимиз бадиий гимнастика олами намояндаларидан бири Замиражон Санақуловага Бухоро вилояти ҳокимлиги ҳамда Ёшлар иттифоқи томонидан уч хоналик уй калити топширилди. Ёшлар уйига муносиб кўрилган ҳамюртимиз ўз вақтида бадиий гимнастикада бир қатор муваффақиятларга эришган.

Маълумот учун: 12 карра Ўзбекистон чемпиони, кўплаб халқаро турнирлар ғолиби, Осиё ўйинлари совриндори, Осиё чемпионатлари совриндори, Жаҳон кубоги совриндори,  Халқаро тоифадаги спорт устаси, Халқаро гимнастика федерацияси томонидан " Жаҳон даражасидаги гимнастикачи" унвони билан тақдирланган. Ўзбекистон Республикасида хизмат кўрсатган спортчи.