Замонавий бешкураш. Вакилларимиз Осиё чемпионатида 3 та бронза медалига сазовор бўлишди

Қозоғистоннинг Алмати шаҳрида замонавий бешкураш бўйича U19 Осиё чемпионати бўлиб ўтди. Унда иштирок этган Ўзбекистон терма жамоаси турнирни 3 та бронза медали билан якунлади. Бу ҳақда МОҚ матбуот хизмати хабар тарқатмоқда.

Дастлаб Самира Абзалова, Кира Чой, Дониёр Раҳимов, Шержон Аҳмедов, Садриддин Қобилжонов ва Михаил Кокозидидан иборат вакилларимиз жамоавий баҳсда шоҳсупанинг учинчи поғонасини банд этишди.

Мусобақа давомида Шержон Аҳмедов ва Дониёр Раҳимов жутфлик баҳсларида, Самира Абзалова ҳамда Дониёр Раҳимов тандеми микст дастурида делегациямиз ҳисобига бронза медалларини қўшиб қўйди.

Фикрлар

Фикр қолдириш учун авторизациядан ўтинг!