Зарруҳ Адашев UFC промоушенидаги иккинчи жангини қачон ўтказади?

ММА жангчиси Зарруҳ Адашев UFC билан шартнома тузганлиги ва ушбу промоушенда дебют жангини ўтказганидан хабардорсиз. Унинг кейинги жанги қачон бўлиши барча мухлисларни қизиқтираётганлиги аниқ. Шуни инобатга олиб, биз юртдошимиз билан боғландик ва унинг UFCда навбатдаги чиқиши қачонга мўлжаллаётганлиги билан қизиқдик. 

"Ҳозир, Лас-Вегасга ўқув машғулот йиғинларини ўтказиш учун келдим ва тайёргарликка киришдим. UFC промоушенидаги иккинчи жангим ноябрь ойида бўлиши кутилмоқда. Лекин аниқ сана ва рақиб ҳали маълум эмас", - деди Адашев. 

Юртдошимиз UFC даги биринчи жангини қисқа муддатли тайёргарликдан сўнг, океан орти вакили Тайсон Нэмга қарши ўтказиб, имкониятни бой бериб қўйган эди.