Зарруҳ Адашевга спарринг жангларда ким ёрдам бермоқда?

UFC промоушенида фаолият юритадиган яна бир ҳамюртимиз Заррух Адашев навбатдаги жангини 14 ноябрь куни “UFC Fight Night 182” турнири доирасида ўтказади. Заррухнинг UFCдаги иккинчи чиқиши АҚШнинг Невада штати Лас-Вегас шаҳарчасида бўлиб ўтишидан хабардорсиз. Албатта, ушбу жанг юртдошимиз учун жуда муҳим. Чунки, дебют жангидаги мағлубият туфайли, бу баҳсдаги ғалаба сув ва ҳаводек зарурдир. Шуни тўла англаб турган Адашев жиддий тайёргарлик олиб бормоқда.

121107547_2279345458878234_7020824007547949908_n

Биз унинг машғулот жараёнлари қандай кечаётганлиги, вазн борасидаги муаммолар ва спарринг партнёрлар ким эканлиги ҳақидаги саволлар билан мурожаат қилдик.

- Биласизми, бу жанг мен учун жуда муҳим эканлигини барча яхши тушуниб турибди. Сабаби эса маълум. Илк жангимдаги муваффақиятсизлик тасодиф эканлигини исботлашим зарур. Вазн борасида муаммо йўқ. Чунки, биринчи жангимдаги каби уч кунлик эмас, балки жуда кўп вақтим бўлди ва яна бор... Жефф Молина ҳам ўз дебютини ўтказади. Шунинг учун, унда иштиёқ катта бўлиши турган гап. Шунинг учун ушбу жангга бор кучимни бериб тайёрланяпман. Барчаси яхши бўлмоқда. Асосий спарринг партнёрим акам Шоҳрух Адашев ҳисобланади ва у менга жуда катта ёрдам беряпти. Акам ҳам ярим енгил вазн тоифасида ҳаваскор йўналишда яхши натижалар қайд этган ва у ҳам профессионал промоушенлар билан шартнома имзолаш арафасида. Ўйлайманки, барчаси яхши бўлади ва халқимизни, мухлисларимизни чиройли ғалаба билан хурсанд қиламиз.

Матнда хатолик топсангиз, ўша хатони белгилаб, бизга жўнатинг (Ctrl + Enter)