Зидан барча мусобақаларда ғолиб чиқмоқчи

Мадриднинг “Реал” клуби бош мураббийи Зинедин Зидан Клублар ўртасидаги жаҳон чемпионатида ғолиб чиқишга ҳаракат қилишини таъкидлаб ўтган.

– Клублар ўртасидаги жаҳон чемпионатида иштирок этиш қийин. “Реал” ўзи иштирок этаётган барча мусобақаларда ғолиб чиқиши шарт, – дейди Зидан.

Эслатиб ўтамиз, “Реал” мусобақанинг ярим финалида Мексиканинг “Америка” клуби билан куч синашади. Ўйин 15 декабрь куни бўлиб ўтади.