Зидан бир футболчининг ўйинига лол қолди

“Реал” бош мураббийи Зинедин Зидан “Брайтон” ярим ҳимоячиси Ив Биссумага харидор бўлмоқда.

Маълумотларга қараганда, франциялик мутахассис 24 ёшли футболчининг ўйинидан ҳайратга тушган. Қолаверса, ҳали юлдуз даражасига етмаган ярим ҳимоячининг трансфер суммаси ҳам мадридликларни тўлиқ қониқтиради. “Брайтон” бу ўйинчисини 13 миллион еврога қўйиб  юборишга тайёр.

Биссума “Брайтон” сафида 2018 йилдан бери ўйнамоқда.  Малилик ярим ҳимоячи жорий мавсумда 12 та учрашувда қатнашиб, рақиблар дарвозасини бир маротаба ишғол қилди.

Ивга “Қироллик клуби”дан ташқари “Монако”,  “Ливерпуль”, “Манчестер Юнайтед” каби жамоалар ҳам жиддий қизиқиш билдиряпти.