Зидан “даҳшатли” таклифни рад этди

“Реал” бош мураббийлигидан кетганидани кейин бир неча мавсумдан бери ишсиз юрган Зинедин Зидан мунтазам клублардан таклиф олади.

Бу гал 52 ёшли мутахассисга Саудия Арабистонидан чорлов бўлди.

L’Equipe нашрининг ёзишича, Саудия Арабистони Профессионал лигасида иштирок этаётган “Ал-Ҳилол” франциялик футбол афсонасига бир мавсум жамоани бошқаришни таклиф қилган. Шайхлар бу муддат учун 100 миллион евро миқдорида хизмат ҳақи ваъда қилди.

Манбага кўра, Зинедин Зидан саудияликларнинг шартномасини қабул қилмаган. Шундан кейин “Ал-Ҳилол” мутасаддилари “Интер” бош мураббийи Симоне Индзаги номзодида тўхталгани айтилмоқда.

Футбол экспертлари Зинедин Зидан 2021 йили “Реал”ни топширганидан бери Франция терма жамоасини бошқариш орзусида юрганини таъкидлаяпти.