Зидан: "Иньеста "Олтин тўп"га лойиқ эди"

Зинедин Зидан Андрес Иньестанинг асосий индивидуал мукофотдан ноҳақ маҳрум қилинганига ишонч ҳосил қилган. Франциялик собиқ футболчининг фикрича, испаниялик ярим ҳимоячи юқори даражадаги футболчи бўлган ва айниқса 2010 йилда Жаҳон чемпионатида ғалаба қозонганидан сўнг "Олтин тўп"га лойиқ эди.

Иньеста "Барселона" ва Испания терма жамоаси билан барча совринларни ютган, бироқ соврин учун энг юқори натижаси 2010 йилда иккинчи ва 2012 йилда учинчи ўринни эгаллаш бўлган.

- Агар футболни яхши кўрсангиз, бундай футболчининг кетишини кўриш оғир. Мен учун у шунчаки футболчи, "Барса" ўйинчиси эмас. У ҳаммани орзу қилишга ундарди ва "Олтин тўп"ни олиши керак эди, айниқса Жаҳон чемпионатини қўлга киритган йили, - деди Зидан.