Зидан нега айнан "Ювентус"ни бошқариши керак?

Зинедин Зидан ёзда “Реал”дан кетмоқчи. Агар шундай бўлса, у “Ювентус”ни бошқариши мумкин. Бу ўз навбатида, Турин клуби учун энг тўғри қарор бўлади. Келинг, "Нега “Ювентус”ни айнан Зидан бошқариши керак?", деган саволга жавоб излаб кўрамиз.

“Реал” Зиданни сақлаб қолишга ҳаракат қилиши керак, аммо франциялик мутахассиснинг ўзи Мадриддан кетиш ҳақида ўйламоқда. Агар ҳаммаси шундай кечса, “Ювентус” Зидан учун асосий даъвогарга айланади. “Кекса синьора”га янги мураббий керак. Муваффақиятсиз ўтган мавсумдан сўнг, Андреа Пирло истеъфога чиқарилади. Ёш мураббий ўзига билдирилган ишончни оқлай олмади ва унинг Туринда қолишига ҳеч қандай сабаб йўқ.

5 лет в «Ювентусе» – главный отрезок в карьере Зидана. Благодаря Серии А  француз стал великим - Eurosport

Зидан ҳам Пирло каби “Ювентус”нинг собиқ футболчиси ҳисобланади. Бироқ Зинедин Андреадан фарқли ўлароқ, мураббийлик бобида улкан тажриба тўплаб улгурган. “Кекса синьора” раҳбарияти Чемпионлар лигасида ғолиб чиқишни хоҳламоқда. Зидан эса бу мусобақада ғолиб чиқишга уста. Унинг қўл остида  "Реал" Европанинг энг зўр таркиби бўлмаган пайтда ҳам ЕЧЛда ғолиб чиқа олган. Боиси у ресурсларни тўғри тақсимлай олган.

Зидан Италия футболига жуда ҳам мос келади. А Серия бу кўп нарса тактикага боғлиқ бўлган чемпионат. У бу борада ўзининг ажойиб мутахассис эканини бир неча бор исботлаган. Унинг “Реал”и ўзининг ёрқин сифатларига эга эмас, бироқ рақибнинг заиф томонидан усталик билан фойдалана олади.

Эҳтимол, бугунги кунда "Ювентус"га Зидандан кўра мосроқ мураббийни топиш қийин бўлиши мумкин. Зиданнинг кўрсатадиган натижаси сарфланадиган пулларга боғлиқ эмас. Гарчи бу “Ювентус” учун муаммо бўлмасада, лекин молиявий инқироз пайтида муҳим аҳамиятга эга.

Зидан уходит из "Реала". Заявление тренера. Онлайн. Спорт-Экспресс

Италия нашрлари тарқатган хабарга қараганда, “Ювентус” президенти Андреа Аньеллининг шахсан ўзи Зиданни Туринда кўришни хоҳламоқда. Суперлига билан боғлиқ жанжалдан сўнг, "Ювентус" раҳбарининг мавқеи тушиб кетди. Зиданнинг келиши - бу Аньеллини ўз лавозимида қолишига қўйиладиган муҳим қадам бўлади. Шу сабабли, Зиданнинг "Ювентус"га келиши ҳақиқатга анча яқин. Лекин бунинг учун “Реал” француз мутахассисини қўйиб юбориши керак.

Тасаввур қилинг, агар Зидан илгари футболчи сифатида ўйнаган икки клубини Чемпионлар лигаси ғолибига айлантира олса, бу нақадар тарихий воқеа бўлиши мумкин!

Зидан: от Турина до Мадрида. Спорт-Экспресс

Зидан “Ювентус” сафида 1996-2001 йилларда тўп сурган. У туринликлар либосида жами 151 та ўйинда майдонга тушиб, ўз ҳисобига 24 та гол ёздириб қўйган. Шундан кейин, 2001 йилда рекорд маблағ эвазига “Ювентус”дан “Реал”га кўчиб ўтган. Ўшанда мадридликлар Зиданнинг трансфери учун нақд 75 млн евро тўлаган. Бу эса ўша даврдаги рекорд ҳисобланади.

Фикрлар

Фикр қолдириш учун авторизациядан ўтинг!