Зидан нимадан хавотир олаётганини ошкор қилди

“Реал” клуби бош мураббийи Зинедин Зидан ЕЧЛ плей-офф баҳсида “Ювентус” билан учрашишни хоҳламаётганлигини айтиб ўтди.

Эслатиб ўтамиз, мадридликлар ўз гуруҳида иккинчи ўринни эгаллаган бўлса, туринликлар биринчи ўринни банд этди. 1/8 финалга 12 декабрь куни қуръа ташланади.

– Мен бу босқичда “Ювентус” билан учрашмасликни хоҳлаган бўлар эдим. Аммо бунинг учун биз ҳеч нарса қила олмаймиз ва шунчаки қуръа натижаларини кутамиз. Туринликлар билан ўйнашни истамайман, чунки бу жамоанинг юрагимда ўз ўрни бор. Бундан ташқари “Ювентус” ҳозирда айни кучга тўлган пайти, – дея Зиданнинг сўзларини келтиради Football Italia нашри.