Zidan Serxio Ramos masalasida yakuniy qarorini aytdi

“Real” bosh murabbiyi Zinedin Zidan shartnomasi kelasi yili yakunlanadigan jamoa sardori Serxio Ramos bo‘yicha bir qarorga kelganini  aytdi.  

Unga ko‘ra, Zidan 34 yoshli futbolchi faoliyatini yakunlaguncha “Real”da qolishini istaydi.

Bungacha, madridliklar tajribali himoyachining amaldagi shartnomasini bir yilga uzaytirishni taklif qilayotgandi. Ramos esa klubdan ikki yillik yangi bitim kutayotgan edi. Zidanning bayonotidan keyin vaziyat o‘zgarishi kutilmoqda.