Зидан Серхио Рамос масаласида якуний қарорини айтди

“Реал” бош мураббийи Зинедин Зидан шартномаси келаси йили якунланадиган жамоа сардори Серхио Рамос бўйича бир қарорга келганини  айтди.  

Унга кўра, Зидан 34 ёшли футболчи фаолиятини якунлагунча “Реал”да қолишини истайди.

Бунгача, мадридликлар тажрибали ҳимоячининг амалдаги шартномасини бир йилга узайтиришни таклиф қилаётганди. Рамос эса клубдан икки йиллик янги битим кутаётган эди. Зиданнинг баёнотидан кейин вазият ўзгариши кутилмоқда.