Зидан: "Уларнинг хатосини кутишга мажбурмиз..."

Мадриднинг "Реал" клуби бош мураббийи Зинедин Зидан Ла Лиганинг қолган қисми ҳамда клубнинг чемпионлик учун имкониятлари ҳақида сўз юритди: 

"Олдинда тўплаш мумкин бўлган 48 очко бор ва биз ғалаба қозониш учун боримизни бериб, энг яхши футболимизни намойиш этамиз. Биз майдондан ташқаридаги воқеаларга жавоб бермаймиз. Бизнинг вазифамиз 90 дақиқа давомида майдонда яхши ҳаракат қилиб, натижага эришиш. Ва жамоамиз бунга ҳаракат қилади.

"Атлетико"? Улар бу мавсум жуда кучли ва стабил ўйин намойиш этмоқда. Бироқ ўзаро ўйинда биз уларга ўзимизни кўрсатиб қўя олдик. Жавоб учрашувига ҳам жиддий тайёргарлик кўрамиз. "Барселона" билан очколаримиз тенг. Уларнинг хатосини кутишга мажбурмиз. Яхши ўйнашга эса ҳаракат қиламиз".

Маълумот учун, Ла Лига турнир жадвалида 1 та кам ўйин ўтказиб, 54 очко тўплаган "Атлетико" етакчилик қилмоқда. 2 ва 3-ўринлардан эса 46 очкодан тўплаган "Барса" ва "Реал" жой олган.

Фикрлар

Фикр қолдириш учун авторизациядан ўтинг!