Зидан уни "Реал"га қайтармоқчи

Мавсумни “Реал Сосьедад” таркибида ижарада ўтказаётган “Реал” ярим ҳимоячиси Мартин Эдегор янги мавсумни Мадрид клубида ўтказади.

AS нашри тарқатган хабарга кўра, 21 ёшли норвегиялик футболчи “қироллик клуби” бош мураббийи Зинедин Зиданнинг режаларига киради. Франциялик мутахассис Эдегорга яна бир бор имкон бермоқчи. Айниқса, коронавирус туфайли юзага келган иқтисодий инқироз пайтида Мартин жамоа ўйинини кучайтира оладиган футболчи сифатида қаралмоқда.

Бундан аввалроқ, Эдегор “Реал”га фақатгина битта шарт билан, яъни Лука Модрич жамоадан кетган тақдирдагина қайтиши мумкинлигини маълум қилган эди.

Эслатиб ўтамиз, Эдегор “Реал”га 2015 йилда кўчиб ўтган. У ўшанда эндигина 16 ёшда эди. Мартин “Реал”да дебют қилган тарихдаги энг ёш футболчи ҳисобланади.

Фикрлар

Фикр қолдириш учун авторизациядан ўтинг!