Зидан ва яна учта номзод: "Реал" Анчелоттининг ўрнига номзодларни кўриб чиқмоқда

Мадриднинг "Реал" клуби жорий мавсум якунида истефога чиқарилиши режалаштирилаётган жамоа бош мураббийи Карло Анчелотти ўрнига бир вақтнинг ўзида бир нечта мураббий номзодини кўриб чиқмоқда.

"UOL Esporte" нашрининг маълум қилишича, "қироллик клуби" бошқаруви учун даъвогарлар рўйхатида тўрт нафар мураббий бор: Зинедин Зидан, Юлиан Нагельсманн, Марсело Галлардо ва Маурисио Почеттино.

Аввалроқ ОАВда Анчелотти 2024 йилнинг ёзига қадар ҳисобланган шартномасини тўлиқ ишлаб чиқмаслиги ҳақида хабарлар тарқалган эди. Италиялик мутахассис "қаймоқранглилар" жамоасидан кетганидан кейин Бразилия терма жамоасини бошқариши мумкин.

Эслатиб ўтамиз, "Реал" Ла Лигада иккинчи ўринни эгаллаб турибди ва Чемпионлар Лигасида чорак финалга чиқди.