Зидан: Ёзда "Реал" таркибида ўзгаришлар бўлади, лекин...

“Реал” Мадрид клуби бош мураббийи Зинедин Зидан ёзда жамоа таркибида ўзгаришлар бўлишини айтди.

“Ёзда ўзгаришлар бўлади, лекин бу ҳақда ҳозир ортиқча гапира олмайман. Қўл остимда 23-25 нафар футболчи бор ва мен ҳар бир матбуот анжуманида уларнинг қайси бири жамоада қолиши-ю, қайси бири кетиши ҳақида гапиришни хоҳламайман. Мавсум якунлангач вазиятни муҳокама қиламиз ва шундан сўнг бир қарорга келамиз”, - дейди Зидан.