Зинченко Нидерландия клуби билан келишувга эришди!

Украиналик ҳимоячи Александр Зинченко клубини ўзгартирмоқда. У мавсумнинг биринчи қисмини ижара асосида "Ноттингем Форест"да ўтказди, аммо у ерда ўзини тўлиқ кўрсата олмади. Энди 29 ёшли футболчи "Аякс" сафида ўзини намоён этишга ҳаракат қилади.

Инсайдер Фабрицио Романо "De Telegraaf"га таяниб хабар беришича, "Аякс" Зинченкони "Арсенал"дан ижарага олади ва футболчининг маошини тўлиқ ўз зиммасига олади. Клублар ўртасида келишувга эришилган.

Яқин 24 соат ичида Зинченко тиббий кўрикдан ўтиш ва трансферни расмийлаштириш учун Амстердамга учиб кетади. Илгарироқ матбуотда ҳам у "Аякс"га яқин экани ҳақида хабарлар чиққан эди.

Ҳозирда Амстердам жамоаси Нидерландия чемпионати турнир жадвалида учинчи ўринни эгаллаб турибди.