Dani Alves: PSJ bundanda kuchliroq o‘ynay oladi

Frantsiyaning PSJ klubi himoyachisi Dani Alves kecha Chempionlar ligasi guruh bosqichi 5-turida “Seltik”ga (7:1) qarshi bo‘lib o‘tgan o‘yindan so‘ng o‘z fikrlarini bildirib o‘tdi.

“PSJ nimani maqsad qilsa shunga erisha oladi. Ammo, raqobat bu jiddiy narsa. Biz uchun Chempionlar ligasida g‘olib chiqish qiyin bo‘ladi. Men PSJning ayni damdagi sport formasidan mamnunman, biroq, biz yanada yaxshiroq o‘yin ko‘rsata olamiz”, - deydi braziliyalik futbolchi.

Eslatib o‘tamiz, Unai Emeri shogirdlari guruh bosqichining o‘tgan 5ta turida raqiblari darvozasiga jami 24ta gol kiritishib, musobaqaning bu boradagi rekordini o‘rnatishdi.