84 daqiqa harakat qilgan Eldor Shomurodovning o‘yini qanday baholandi?

A Seriyaning navbatdagi turidan o‘rin olgan bahsda Klaudio Raneri boshchiligidagi "Roma" "Milan" bilan kuch sinashib, ishonchli 3:1 hisobida zafar quchdi. Uchrashuvda esa hamyurtimiz Eldor Shomurodov 84 daqiqa harakat qildi.
  
Milliy terma jamoamiz sardorining ushbu o‘yindagi harakatlarini ko‘plab mashhur saytlar turlicha baholashdi. 
  
Fotmob vakilimizni 7.0 ballga loyiq ko‘rgan bo‘lsa, Sofascore portali Shomurodovga 6.7 ball qo‘ydi. Bundan tashqari, yana bir mashhur nashrlardan biri hisoblangan Flashscore sayti esa hamurtimizga 6.6 ball berdi. 
 
Eslatib o‘tamiz, hozirda rimliklar 1 ochko farqi bilan 4-o‘rindagi "Yuventus"dan ortda qolmoqda. "Roma" so‘nggi turda "Torino" bilan kuch sinashsa, "Yuventus" "Venetsiya"ga qarshi maydonga tushadi.