Ayollar va erkaklar o‘rtasidagi O‘zbekiston chempionati nihoyasiga etdi (foto)

  Shaxmatga ixtisoslashgan respublika bolalar-o‘smirlar sport maktabida ayollar va erkaklar o‘rtasida respublika chempionati bo‘lib o‘tdi.

 Ayollar o‘rtasida bo‘lib o‘tgan bellashuvlarda 9 imkoniyatdan 7,5 ochko to‘plagan Mohim Orazmuhammedova (Qoraqalpog‘iston) g‘oliblik shohsupasining eng yuqori pog‘onasidan joy oldi. Keyingi o‘rinlar Umida Omonova (Surxondaryo, 7 ochko) va Ozoda Xusainova (Toshkent viloyati, 6,5 ochko) ga nasib etdi.

 Erkaklar bahsida qashqadaryolik shaxmatchi Abdumalik Abdusalimov 9 imkoniyatdan 8 ochko jamg‘arib, O‘zbekiston chempioni bo‘ldi. Ibrohim Karimov (Andijon, 7 ochko) va Asilbek Sobirov (Farg‘ona, 7 ochko) lar esa ikkinchi va uchinchi o‘rinlar bilan kifoyalanishdi.