"Boka Xuniors" o‘ziga yangi murabbiy topdi

Libertadores kubogi finalida “River Pleyt”ga imkoniyat boy berilgach bosh murabbiy Gilermo Skelotto bilan hamkorlikni davom ettirishni xohlamagan “Boka Xuniors” rahbariyati ushbu lavozimga munosib nomzod topdi.

Berilgan ma’lumotlarga qaraganda “Boka”ning yangi ustozi Gustavo Alfaro bo‘ladi. Aytish lozimki, 56 yoshli argentinalik mutaxassis ayni damda “Urakan” klubi bosh murabbiyi hisoblanadi.

Eslatib o‘tamiz, bundan avvalroq MYudan iste’foga chiqqan Joze Mourinoga ham “Boka Xuniors”dan qiziqishlar bo‘layotgani haqida xabarlar tarqalgan edi.