Dibala: "Yuventus" EChLda favoritligini maydonda isbotlashi kerak

“Yuventus” hujumchisi Paulo Dibala “Atletiko”ga qarshi EChL 1/8 final uchrashuvi oldidan o‘z fikrlarini bildirib o‘tdi.

– Biz “Atletiko” o‘yin uslubini bilamiz. Diego Simeone jamoani yaxshi shakllantirgan. Finalgacha etib borish uchun va turnirda g‘alaba qozonish uchun har qanday raqibni yutish kerak. Oson o‘yinlar va kuchsiz jamoalar bo‘lmaydi. “Atletiko” himoyada kuchli va qarshi hujumda o‘ynaydi. Agar himoyani unutib qo‘ysang, bundan foydalanadigan futbolchilar ko‘p. “Yuventus”ga kelganimda jamoa finalda “Barselona” bilan o‘ynagan. Keyingi mavsum yana finalga chiqdik va “Real”ga yutqazdik. Bunga e’tibor berish kerak emas. Biz asosiy favorit ekanmiz, buni maydonda ibotlashimiz kerak, – deydi Dibala UEFA matbuot anjumanida.