Gamburg-2017: Hasanboy Do‘smatov jahon chempionatining yarim finalida!

Germaniyaning Gamburg shahrida bo‘lib o‘tayotgan boks bo‘yicha jahon chempionatida o‘zbek bokschilari zafarli yurishlarini davom ettirmoqda.

Bugungi bellashuvlarni vakillarimiz orasida dastlab Rio Olimpiadasi g‘olibi hamda ikki karra Osiyo chempioni Hasanboy Do‘smatov (49 kg) boshlab berdi.

Hamyurtimiz chorak finalda Toshkentda o‘tgan Osiyo chempionatining yarim finalida to‘qnash kelgan hindistonlik Amitga qarsh o‘tkazdi. O‘sha musobaqada bo‘lgani kabi bokschimiz raqibiga hech qanday imkoniyat qoldirmadi va birinchilardan bo‘lib musobaqaning yarim finaliga yo‘l oldi.

Bizdan uzoqlashmang. Oldinda yana 8 nafar bokschimiz yarim final yo‘llanmasi uchun kurash olib borishadi.

• Gamburg-2017. Jahon chempionatidagi barcha janglarni jonli efirda tomosha qiling!