Grizmann Evropa ligasining o‘tgan mavsumdagi eng yaxshi futbolchisi deb topildi

Avval xabar berganimizdek bugun Monakoda UEFA Evropa ligasining yangi mavsumiga qur’a tashlash marosimi bo‘lib o‘tdi.

Marosimda shuningdek musobaqaning o‘tgan mavsumdagi eng yaxshi futbolchisi nomi ham e’lon qilindi. Unga ko‘ra amaldagi chempion “Atletiko” Madrid forvardi Antuan Grizmann Evropa ligasining 2017/18 yilgi mavsumidagi eng yaxshi futbolchisi deb topildi.

Aytish lozimki, g‘olibni aniqlash uchun o‘tkazilgan maxsus so‘rovnomada o‘tgan mavsum Evropa ligasining guruh bosqichida ishtirok etgan 48ta klub bosh murabbiylar, 55 nafar jurnalist ishtirko etgan.