Gvardiola "teshik darvozabon"ni maqtadi

Angliyaning “Manchester Siti” klubi bosh murabbiyi Xosep Gvaridola so‘nggi paytlarda tanqidlar yomg‘iri ostida qolib ketayotgan darvozabon Klaudio Bravoga ishonchi baland ekanligini aytib o‘tdi.

“Bravo haqidagi fikrimni o‘zgartirmayman. U ajoyib darvozabon. Klaudio dunyoning eng yaxshi golkiperlaridan biri. Angliyada boshqacha futbol. Bu erda ko‘proq qanotlardan hujum bo‘ladi. Bravoning oliy darajadagi darvozabon ekanligiga shubham yo‘q”, - deydi ispaniyalik mutaxassis The Guardian nashriga bergan intervyusida.

Eslatib o‘tamiz, Bravo bu mavsum ko‘plab antirekordlar o‘rnatmoqda. Balkim, shu sababli u “shaharliklar”ning so‘nggi 3ta o‘yinida maydonga tushmagan. Avvalroq Chili terma jamoasi darvozaboniga "Milan" klubi qiziqish bildirayotgani haqida xabarlar tarqalgan edi.